Hadisə

Saxta içkidən 37 nəfər öldü

16 Dekabr 2024 22:27
Baxış: 1 260
VTB-də minimal faiz dərəcəsi ilə nağd kredit 9.9%-dən
#HADİSƏ

İstanbulda 1 noyabrdan bu günə qədər 73 nəfər saxta alkoqoldan zəhərləndikləri şübhəsi ilə xəstəxanaya yerləşdirilib.

Milli.Az xəbər verir ki, onlardan 37 nəfər həyatını itirib, 17 nəfərin müalicəsinin davam etdiyi bildirilib. 19 nəfərin isə xəstəxanadan evə buraxıldığı qeyd edilib.

Saxta alkoqol səbəbilə baş verən ölümlərdən sonra polis qruplarının yoxlamaları fasiləsiz davam edir. Saxta alkoqol tədarük edən və zəhərlənmələrə səbəb olanların yaxalanması üçün aparılan əməliyyatlarda 36 şübhəli ilə bağlı iş açılıb. Şübhəlilərdən 14-ü həbs olunub, 8-i haqqında məhkəmə nəzarəti qərarı çıxarılıb, 14-ü isə azadlığa buraxılıb.

Digər tərəfdən, İstanbulda saxta alkoqollu içki ilə bağlı yoxlamalar davam edir. 2024-cü ildə İstanbul Təhlükəsizlik Müdirliyi Qaçaqmalçılıq Cinayətləri ilə Mübarizə Şöbə Müdirliyinin qrupları 1,002 iş yerində yoxlamalar aparıb. Yoxlamalar zamanı:

287,758 litr alkoqollu maye,
14,701 dolu alkoqollu içki şüşəsi,
853,460 alkoqollu içki istehsalında istifadə olunan aksiz markası və etiket,
qaçaq və ya saxta alkoqollu içki istehsalı və satışı üçün istifadə edilən çoxlu sayda məhsul aşkarlanıb.

Bu çərçivədə, 32 obyektə ümumilikdə 2 milyon 662 min 52 TL məbləğində inzibati cərimə tətbiq edilib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.