PUL
.jpg)
.jpg)
Donald Tramp Ərdoğanı "çox güclü hərbi qüvvəyə malik, çox sərt bir lider" olaraq qiymətləndirib.
Milli.Az xəbər verir ki, Tramp, Suriya Prezidenti Bəşər Əsədin devrilməsini Türkiyənin "dostyana olmayan bir ələ keçirməsi" kimi xarakterizə edərək Ankaranın bu addımını "çox ağıllı" hesab etdiyini bildirib. Tramp, həmçinin Prezident Rəcəb Tayyib Ərdoğanla şəxsi münasibətini vurğulayaraq, Türkiyənin Suriyada mühüm rol oynayacağını ifadə edib.
Florida ştatındakı evində keçirdiyi mətbuat konfransında Suriyadakı son hadisələrdən danışan Tramp, "Türkiyə çoxlu itki vermədən, dostyana olmayan bir ələ keçirmə həyata keçirdi" deyib.
"Amma mən Türkiyəni tanıyıram. O (Ərdoğan) çox ağıllı bir insandır. Onlar min illərdir bunu istəyirdilər və o bunu əldə etdi," deyə Tramp bildirib.
"Bu arada Türkiyə böyük bir gücdür və Ərdoğan mənim çox yaxşı anlaşıdığım biridir. Amma həm də böyük bir hərbi qüvvəyə malikdir. Və müharibə ilə tükənməyib," deyən Tramp, Ərdoğanın "çox güclü və qüdrətli bir ordu yaratdığını" vurğulayıb.
Tramp, Suriyada davam edən vəziyyəti qiymətləndirərək, Türkiyənin ölkənin gələcəyində mühüm rol oynayacağına inandığını bildirib.
"Türkiyə Suriyanın açarını əlində saxlayacaq," deyə Tramp qeyd edib.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)