20 yaşlı Tailand müğənnisi masajdan sonra öldü

Phuketdə turist və Udontani şəhərindən olan yerli müğənni Tailand masaj seanslarına qatıldıqdan sonra dünyasını dəyişib.

Milli.Az xarici mediaya istinadla xəbər verir ki, hər iki hadisə ötən həftə sonu baş verib. Dekabrın 7-də polisə Patonqa çimərliyindəki masaj salonundan Sinqapurdan gələn turistlə bağlı problem barədə mesaj gəlib.

Məlum olub ki, 52 yaşlı kişinin 45 dəqiqə ərzində bədəninə yağ masajı edilib. Prosedurdan sonra nəfəsi dayanıb. Kişiyə süni tənəffüs veriblər, amma faydası olmayıb. Mərhumun həyat yoldaşı yarılmadan imtina etdiyi üçün ölüm səbəbi məlum deyil.

İkinci halda, 20 yaşlı Tailand müğənnisi Çayada Prao-hom dekabrın 8-də ikisi boynunda olmaqla üç masajdan sonra ölüb.

Bildirilir ki, oktyabrın 5-də müğənni belindəki ağrılardan tanışı olan oğlana şikayət edib və onu tay masajına aparmağı xahiş edib.

Qız bunun sadəcə masajın təsiri olduğunu düşünərək seanslara getməyi dayandırmayıb. 

Noyabrın 18-də müğənninin vəziyyəti pisləşib. O, nə hərəkət edə, nə də özünə qulluq edə bilib. Və sonda qız Udonthani xəstəxanasının reanimasiya şöbəsində dünyasını dəyişib. Ölüm səbəbinin qan zəhərlənməsi və beyin ödemi olduğu bildirilir.

Yerli hakimiyyət orqanları Çayadanın getdiyi masaj salonunun bu cür xidmətləri göstərmək üçün akkreditə olunub-olunmadığını yoxlamaq niyyətindədir.

Şərq Tibb Kollecinin məsləhətçisi, professor Tiravat Hemaçudha bu halları şərh edərkən deyib ki, dartılma, məşq və ya masaj seansı zamanı boynunuzun kəskin şəkildə bükülməsi və ya kəskin hərəkəti beyinə qan tədarükündən məsul olan iki cüt arteriyanın zədələnməsinə səbəb ola bilər: karotid arteriyalar və vertebral arteriyalar.

Təhlükə başın dönmə, çəkmə və ya fırlanma qüvvəsi ilə birlikdə artacaqdır. Bu fəaliyyətlərin uzun müddət təkrarlanması yalnız sinirlər üçün deyil, boyundakı qan damarları üçün də problem yaradacaqdır./Lent.az

Milli.Az