Dünya

İsraildən Suriyə AÇIQLAMASI: Xüsusi bölgə yaradılacaq

10 Dekabr 2024 22:35

Baxış: 1 078

VTB-də minimal faiz dərəcəsi ilə nağd kredit 9.9%-dən

#İSRAİL #SURİYA

İsrail Müdafiə Naziri Israel Katz, İsrail ordusuna Suriyanın cənubunda " steril bir müdafiə zonası" qurulması əmrini verdiyini açıqlayıb.

Milli.Az xəbər verir ki, nazir, Suriya ilə işğal altında olan Colan təpələri arasında İsrail ordusunun irəliləyişini şərh edərək, İsrailin "strateji təhdidləri aradan qaldırmaq üçün genişmiqyaslı əməliyyatlar həyata keçirdiyini" və bu çərçivədə Suriya hərbi qüvvələrinin məhv edildiyini iddia edib.

Üç suriyalı mənbə, İsrail ordusunun həminzonanı keçərək, Dəməşqə 25 km məsafəyə qədər yaxınlaşdığını bildirib. Lakin İsrail ordusunun sözçüsü Nadav Şoşani bu iddiaları təkzib edib. O, İsrail qüvvələrinin yaxın bir neçə mövqedə yerləşdiyini və Dəməşqə doğru irəliləmədiyini vurğulayıb.

Şoşani bildirib:
"İsrail Müdafiə Qüvvələri (IDF) Dəməşqə doğru irəliləmir. Bu, məqsədimiz deyil. Suriya daxilində baş verənlərə müdaxilə etmirik. Biz yalnız sərhədlərimizi və vətəndaşlarımızın təhlükəsizliyini qorumaqla məşğuluq."

İsrail ordusu Colan təpələrindəki tampon zonaya daxil olub və oradakı hərbi fəaliyyətlərinə dair görüntüləri ictimaiyyətlə bölüşüb. İsrail Baş naziri Benjamin Netanyahu, ötən gün Colan təpələrinin "sonsuzadək İsrailin bir hissəsi olaraq qalacağını" iddia edib.

İsrail 1967-ci ildən bəri Suriyaya aid Golan təpələrini işğal altında saxlayır. 1974-cü ildə imzalanmış "Kuvvetlərin Çəkilməsi Anlaşması" ilə həmin ərazidə tampon və silahsızlaşdırılmış bölgələr müəyyən edilmişdi. 1973-cü il Yom Kippur müharibəsindən sonra İsrail ilk dəfə Suriya torpaqlarına bu cür genişmiqyaslı şəkildə daxil olub.

Lalə Qüdrətova
Milli.Az

Milli.Az - Xəbər Portalı

İsraildən Suriyə AÇIQLAMASI: Xüsusi bölgə yaradılacaq

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?