Dünya

“Colan təpələri həmişə İsrailin bir hissəsi olacaq”

9 Dekabr 2024 23:50
Baxış: 1 221
VTB-də minimal faiz dərəcəsi ilə nağd kredit 9.9%-dən
#İSRAİL

İsrailin baş naziri, ölkənin hərbi qüvvələrinin Colan təpələrindəki silahsızlaşdırılmış zonanı müvəqqəti olaraq nəzarətə götürdüyünü elan edib. Benjamin Netanyahu, 1974-cü il Suriya ilə imzalanmış qüvvələrin ayrılması sazişinin, ölkənin üsyançılar tərəfindən ələ keçirilməsi ilə "çökdüyünü" bildirib.

Milli.Az xəbər verir ki, Netanyahu, İsrail Müdafiə Qüvvələrinə (IDF) Colan ərazisində yerləşən "komanda mövqelərinə" daxil olmaq əmri verdiyini söyləyib.

"Biz sərhədimizdə heç bir düşmən qüvvənin möhkəmlənməsinə imkan verməyəcəyik," deyə vurğulayıb.

Colan təpələri, Dəməşqdən təxminən 60 km cənub-qərbdə yerləşən qayalı bir düzənlikdir. İsrail 1967-ci ildəki Altı Günlük Müharibənin son mərhələsində Colanı Suriyadan ələ keçirib və 1981-ci ildə birtərəfli qaydada ilhaq edib. Bu addım beynəlxalq səviyyədə tanınmasa da, ABŞ 2019-cu ildə birtərəfli qaydada bu ilhaqı tanıyıb.

"Biz hamımız orada, onların ətəyində deyil, Colan təpələrində olmağımızın böyük əhəmiyyətini anlayırıq. Colan təpələri üzərində nəzarətimiz və səlahiyyətimiz təhlükəsizliyimizi təmin edir. Colan təpələri həmişə İsrailin bir hissəsi olacaq", -o, mətbuat konfransında bildirib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.