Dünya

Əsəd dövrü başa çatır? - İranda bir gecədə böyük dəyişiklik - FOTO

7 Dekabr 2024 10:32

Baxış: 5 925

VTB-də minimal faiz dərəcəsi ilə nağd kredit 10.49%-dən

#DÜNYADA #IRAN

İranda dövlət televiziyasının dil dəyişikliyi sosial mediada trend mövzusuna çevrilib.

Milli.Az xarici mətbuata istinadən xəbər verir ki, İran dövlət televiziyası öz yayımlarında Suriyadakı müxalif qruplarla bağlı ifadələrini dəyişərək, gündüz bülletenində "terrorçu", "terrorçu qruplar" və "təkfirçi terrorçular" əvəzinə "silahlı qruplar" ifadəsini işlədib.

İran dövlət televiziyası silahlı müxalif qrupların Hələbdə indiyədək heç bir şiə vətəndaşını hədəf almadığı xəbərini yayıb.

Bəzi istifadəçilər bu dəyişikliyi tənqid edib reaksiya versə də, bəzi istifadəçilər İranın Suriyadakı dəyişikliyə ayaq uydurmağa çalışdığını iddia ediblər.

Qeyd edək ki, silahlı müxalif qrupların Suriyada hərəkətə keçməsindən sonra bir müddət əvvəl Dəməşqə səfər edən İranın xarici işlər naziri Abbas Əraqçi Əsədə dəstək vəd edib. Əraqçi bu gün verdiyi açıqlamada "Bəşər Əsədin gələcəyini proqnozlaşdırmaq mümkün deyil" deyib. Suriyada 13 ildir davam edən müharibədə Əsədə uzun müddət dəstək verən Rusiyanın bu gün verdiyi açıqlamada isə "Başqa prioritetlərimiz var" ifadələri işlədilib.

Fidan
Milli.Az