Dünya

Suriya müttəfiqlərinin köməyi ilə terrorçuları məğlub edəcək - Əsəd

1 Dekabr 2024 08:18

Baxış: 1 182

VTB-də minimal faiz dərəcəsi ilə nağd kredit 9.9%-dən

#SURİYA #YAXIN ŞƏRQ

Suriya Prezidenti Bəşər Əsəd vurğulayıb ki, ərəb dövləti müttəfiqləri və dostlarının köməyi ilə terrorçuları məğlub edə bilər.

Millli.Az xəbər verir ki, Suriya Prezidenti Bəşər Əsəd, Birləşmiş Ərəb Əmirliklərinin Prezidenti Şeyx Məhəmməd bin Zayed Al Nahyan ilə söhbətində, ölkəsinin müttəfiqləri və dostlarının köməyi ilə terrorçuları məğlub etməyə qadir olduğunu bildirib. Bu barədə Suriya liderinin ofisi məlumat yayıb.

BƏƏ Prezidenti öz tərəfindən ölkəsinin Suriyanı "terrorizmə qarşı mübarizədə və suverenlik, ərazi bütövlüyü və sabitliyi qorumaq sahəsində" dəstəklədiyini vurğulayıb.

Çərşənbə günü Hayat Tahrir al-Şamın rəhbərlik etdiyi təkfirçi terrorçular Suriyanın şimal-qərbində yerləşən Hələb və İdlib əyalətlərində genişmiqyaslı hücum başladaraq bir neçə ərazini ələ keçiriblər.

Həmin vaxtdan etibarən Suriya hökumət qüvvələri itirilmiş əraziləri geri almaq üçün terrorçularla şiddətli döyüşlər aparır.

Suriya 2011-ci ilin mart ayından bəri xarici dəstəkli silahlı qrupların hərbi fəaliyyətindən əziyyət çəkir. Dəməşq Qərb dövlətləri və onların regional müttəfiqlərinin terrorçu qruplara dəstək verərək ərəb ölkəsini xaosa sürüklədiyini bildirir.

Lalə Qüdrətova
Millli.Az