Dünya

Tiktokun qurucusu Çinin ən varlı adamı seçildi

29 Oktyabr 2024 16:43

Baxış: 998

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #ÇİN #TİKTOK

Çinin ən varlı adamlarının siyahısı açıqlanıb.

Milli.Az lent.az-a istinadən bildirir ki, dünyaca məşhur Tiktok sosial şəbəkəsinin də daxil olduğu "ByteDance" şirkətinin qurucusu Zhanq Yiminq 49,3 milyard dollarlıq şəxsi sərvəti ilə 2024-cü il üzrə Çinin ən zəngin adamı olub.

2021-ci ildə "ByteDance"ın baş icraçı direktoru vəzifəsindən istefa verən 41 yaşlı Zhanq Yiminq Çin Zənginlər Siyahısının ilk dərcindən sonra 26 il ərzində siyahıda 18-ci yeri tutub.

O, sərvəti 24 faiz azalaraq 47,9 milyard dollara düşən şüşə su maqnatı Zhonq Şanşanı keçib.

Yiminqin, ABŞ-dakı aktivləri ilə bağlı hüquqi mübarizə aparmasına baxmayaraq, "ByteDance"ın qlobal gəliri keçən il 30 faiz artaraq 110 milyard dollara çatıb və onun şəxsi sərvətini artırmağa kömək edib.

Siyahıda üçüncü yerdə "Tencent"in aşağı profilli qurucusu Pony Ma qərarlaşıb. "PDD Holdings"in təsisçisi Colin Huanq isə keçən il üçüncü yerdən dördüncü yerə geriləyib.

Siyahıdakı milyarderlərin sayı 2021-ci ilə nisbətən142 nəfər azalaraq 753 nəfərə düşüb.

Milli.Az