Dünya

“Boeing” zavodunun işçiləridən son 16 ildə İLK

13 Sentyabr 2024 19:40

Baxış: 952

VTB-də minimal faiz dərəcəsi ilə nağd kredit 9.9%-dən

#TƏYYARƏ #BOEİNG CO #ZAVOD

"Boeing Co." zavodunun işçiləri həmkarlar ittifaqı rəhbərliyinin şirkətlə razılaşdırdığı əmək müqaviləsinin şərtlərini rədd edərək son 16 ildə ilk dəfə tətilə çıxıblar.

Milli.Az Trend-ə istinadən bildirir ki, tətildə təyyarə istehsalı ilə məşğul olan minlərlə işçi iştirak edir. Bir gün əvvəl Beynəlxalq Maşinistlər və Aerokosmik İşçilər Assosiasiyası şirkətlə razılaşmanın əleyhinə çıxıb və tətili dəstəkləyib. Həmkarlar ittifaqı təxminən 33 min "Boeing" işçisini təmsil edir.

Müqavilə Vaşinqton, Oreqon və Kaliforniya ştatlarındakı zavodlarda çalışan işçilər üçün baza maaşının 25 faiz artırılmasını, həmçinin 3000 ABŞ dolları məbləğində birdəfəlik ödənişləri nəzərdə tuturdu.

Əvvəllər "Boeing"də həmkarlar ittifaqı üzvləri rəhbərlik tərəfindən razılaşdırılmış müqavilə şərtlərini həmişə qəbul edirdilər. Sonuncu dəfə kompaniyada tətil 2008-ci ildə olmuşdu. Həmin tətil 57 gün davam etmiş və şirkətə gündə təxminən 100 milyon dollara başa gəlmişdi.

Cümə günü ilkin ticarətdə "Boeing"in səhmləri 3,8 faiz ucuzlaşıb, cari ilin əvvəlindən isə 37,6 faiz dəyər itirib.

Milli.Az
Xəbərlərimizi WhatsApp kanalımızdan da oxuyun