Dünya

Gürcüstanın MN öz qan bankını yaradacaq

2 Sentyabr 2024 00:38

Baxış: 505

#GÜRCÜSTAN

Gürcüstan Müdafiə Nazirliyinin özünün qan bankı olacaq və "İnsan qanının və onun komponentlərinin keyfiyyəti və təhlükəsizliyi haqqında" qanuna müvafiq dəyişikliklər ediləcək.

Milli.Az-ın report.az-a istinadən məlumatına görə, bu barədə icra hakimiyyətinin parlamentə təqdim etdiyi 2024-cü il üçün fəaliyyət planında deyilir.

Məlumata görə, Gürcüstanda qanın toplanması, emalı, yoxlanılması, saxlanması və paylanmasına cavabdeh olan üç qan müəssisəsi yaradılacaq.

"Qanun çərçivəsində özəl qan bankları iyuldan etibarən Gürcüstan hökuməti tərəfindən yaradılacaq mərkəzi qan institutu ilə əvəz olunacaq. 01.01.2025-ci il tarixindən etibarən Gürcüstanda pul təzminatı müqabilində qan vermək qadağan ediləcək", - deyə məlumatda bildirilir.

Milli.Az
Xəbərlərimizi WhatsApp kanalımızdan da oxuyun