Dünya

Norveçin artilleriya mərmiləri Ukraynada istehsal ediləcək

23 Avqust 2024 23:22

Baxış: 773

VTB-də minimal faiz dərəcəsi ilə nağd kredit 10.49%-dən

#UKRAYNA

Norveç Kiyevə Ukrayna ərazisində artilleriya mərmilərinin istehsalına kömək etməyə hazırdır.

Milli.Az report.az-a istinadən xəbər verir ki, bu barədə Norveç Müdafiə Nazirliyinin bəyanatında deyilir.

"Norveç hökuməti müdafiə texnologiyalarını Ukrayna ilə bölüşməyə və bu istiqamətdə maliyyə baxımından kömək etməyə hazırdır. Beləliklə, (Norveç-Fin silah istehsalçısı) "Nammo" tərəfindən hazırlanmış artilleriya mərmiləri Ukraynada istehsal oluna bilər. "Nammo" Ukraynada 155 mm-lik artilleriya mərmilərinin lisenziyalı istehsalına yardım etmək üçün müqavilə bağlayıb", - deyə məlumatda bildirilib.

Qeyd edək ki, "Nammo" Norveç hökumətindən aldığı 1 milyard kron (indiki məzənnə ilə 94 milyon dollar) dəyərində müqavilə sayəsində artilleriya mərmilərinin istehsalını 10 dəfə artırmaq niyyətindədir.

Milli.Az
Xəbərlərimizi WhatsApp kanalımızdan da oxuyun