PUL
.jpg)
08:52
Braziliyada qəzaya uğrayan sərnişin təyyarəsi qəza siqnalı göndərməyib və uçuşlara icazə verildiyi üçün işlək vəziyyətdə olub.
"Report"un məlumatına görə, bu barədə G1 portalı xəbər yayıb.
"(Braziliya - red.) Hərbi Hava Qüvvələrinin məlumatına görə, uçuş yerli vaxtla saat 13:20-dək normal davam edib, saat 13:21-dən etibarən təyyarə əlaqəni kəsib, qəza siqnalı göndərməyib və əlverişsiz hava şəraiti barədə məlumat verməyib", - məlumatda deyilir.
Təyyarənin məxsus olduğu aviaşirkətin məlumatına görə, hava gəmisinə heç bir məhdudiyyət olmadan uçuş icazəsi verilib. Təyyarədə 62 yox, 61 nəfərin olduğu dəqiqləşdirilib. Onların arasında 4 ekipaj üzvü və 57 sərnişin olub.
Qeyd edək ki, onların hamısı qəza zamanı həlak olub.
-------
21:45
Braziliyada göyərtəsində 58 sərnişin və 4 ekipaj üzvü olan sərnişin təyyarəsi ölkənin cənub-şərqindəki San Paulo əyalətindəki Vinyedu bələdiyyəsi ərazisində qəzaya uğrayıb.
Milli.Az report.az-a istinadən xəbər verir ki, bu barədə G1 portalı xəbər yayıb.
Məlumata görə, söhbət ATR 72 modelinin təxminən 68 sərnişinin daşınması üçün nəzərdə tutulmuş təyyarəsindən gedir. Təyyarə Kaskaveldən Quarulosa daxili reyis edib.
Portal ölənlər və ya xəsarət alanlar haqqında məlumat verməyib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
