Dünya

"Referendum yalnız o halda mümkündür ki..."

7 İyul 2024 22:18
Baxış: 832
VTB-də minimal faiz dərəcəsi ilə nağd kredit 9.9%-dən
#BRİTANİYA

Böyük Britaniya hökuməti yaxın vaxtlarda Şimali İrlandiyanın İrlandiya Respublikasına birləşməsinə dair referendum keçirməyə hazırlaşmır.

Milli.Az APA-ya istinadən bildirir ki, bunu Britaniyanın Şimali İrlandiya işləri üzrə naziri Hilari Benn "Sky News" telekanalına müsahibəsində bildirib.

Hilari Benn deyib ki, hazırda belə referendumun keçirilməsi üçün şərait yaranmayıb: "Belfast müqaviləsi diqqətlə öyrənilib, müzakirə olunub və imzalanıb. Sənəddə referendumla bağlı şəraitə və kriteriyalara dair sərhədlər müəyyənləşib. Referendum yalnız o halda mümkündür ki, Şimali İrlandiya məsələləri üzrə nazir Şimali İrlandiya sakinlərinin İrlandiya Respublikasına birləşməyə səs verəcəklərinə əmin olsun. Hazırda belə şəraitin olmasına dair heç bir sübut yoxdur".

Qeyd edək ki, Belfast müqaviləsi 1998-ci ildə imzalanıb. Müqavilə Şimali İrlandiyanın Böyük Britaniyanın tərkibində qalmasını dəstəkləyən loyal protestantlarla Şimali İrlandiyanın müstəqil İrlandiya Respublikasına birləşməsini dəstəkləyən millətçi katoliklər arasında silahlı qarşıdurmaya son qoyub. 30 il davam edən bu münaqişə nəticəsində 3.5 min nəfər ölüb, 50 minə yaxın insan xəsarət alıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.