Dünya

Professor tələbəsinə aşiq olub ailəsini dağıtdı

24 Aprel 2024 23:00
Baxış: 1 016
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir professor gənc tələbəyə aşiq olub, bunu həyat yoldaşına danışıb və səkkiz illik evliliyi məhv edib. Bu barədə onun həyat yoldaşı Reddit forumunda danışıb.

Milli.Az lent.az-a istinadən xəbər verir ki, 35 yaşlı istifadəçi bildirib ki, onunla həmyaşıd əri ilə tibb kollecində tanış olub.

Onlar səkkiz il əvvəl bir-birini sevərək evləniblər və dörd il əvvəl onların bir qızı olub. Daha sonra qadının əri professor olub və onun əvvəllər oxuduğu kollecdə dərs deməyə başlayıb.

Onun sözlərinə görə, 2023-cü ilin dekabrında həmin təhsil ocağında işləyən rəfiqəsi Sara onunla əlaqə saxlayıb. Rəfiqəsi deyib ki, ərinin tələbələrindən biri ilə flört etdiyini görüb.

Həmin axşam o, Saranın sözlərini ərinə çatdırıb, ümid edib ki, əri onları təkzib edəcək. Lakin bunun əvəzinə kişi başını aşağı salıb və 25 yaşlı tələbəyə həqiqətən romantik hisslər keçirdiyini etiraf edərək üzr istəməyə başlayıb. "Onu başımdan çıxara bilmirəm. Çalışdım, inan. Sənə əvvəldən deməliydim. Ancaq münasibətimizi xilas edə biləcəyimi düşündüm, çox istəyirdim" deyib.

Kişi həmçinin əmin edib ki, arvadını aldatmayıb və heç vaxt universitetdən kənar tələbə ilə görüşməyib. Buna baxmayaraq, hadisə qadını çox incidib və o, ərindən ayrılmaq qərarına gəlib. Hazırda qadın qızı ilə valideynləri ilə birlikdə yaşayır. O, əri üçün darıxdığını, ərinin üzr istəyərək geri dönməsini istədiyini etiraf edib. "Ancaq o, heç qayıtmadı. Bəzən qızımızla vaxt keçirmək üçün gəlir, amma bu qədər" deyə qadın bildirib.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.