Dünya

Bu gün Katoliklər Pasxa bayramını qeyd edirlər

31 Mart 2024 22:30

Baxış: 766

Bu gün katoliklər xristianlığın ən böyük bayramlarından birini - İsa Məsihin dirilişi günü olan Pasxa bayramını qeyd edirlər.

Milli.Az oxu.az-a istinadən xəbər verir ki, Pravoslavlardan fərqli olaraq, protestantlar və katoliklər Pasxa tarixini Qriqorian təqviminə uyğun astronomik bərabərlik günündən sayırlar.

Pravoslav xristianlar isə gecə-gündüz bərabərliyini Yulian təqviminə görə hesablayırlar.

Təqvimlər arasındakı 13 günlük fərq hesablamaya təsir göstərir.

Xristianlar özlərinə məxsus oruc tutmaqla Pasxa bayramına hazırlaşırlar, bu müddət ərzində heyvan mənşəli məhsullardan imtina edirlər. Eyni zamanda, orucun qaydaları katoliklər üçün pravoslav xristianlara nisbətən daha yumşaqdır.

Bütün bayramlarda olduğu kimi, Pasxada da mübahisə etmək, böhtan atmaq və kiməsə pislik arzulamaq olmaz. Bu gün evlənmək də tövsiyə edilmir.

Bundan əlavə, Pasxada işləmək qadağandır.

Milli.Az
Xəbərlərimizi WhatsApp kanalımızdan da oxuyun