Dünya

Rusiya bombaladı, məşhur məşqçinin evi dağıldı

29 Mart 2024 23:40

Baxış: 835

#RUSİYA #UKRAYNA

Rusiyanın Ukraynaya qarşı apardığı iki illik genişmiqyaslı müharibədə heç vaxt Odessa mart ayı ərzində olduğu qədər atəşə məruz qalmamışdı.

Hər gün sahilyanı şəhərə doğru uçan ballistik raketlər və kamikadze bombaları çoxlu sayda insan tələfatına, dağıntılara gətirib çıxarır.

Milli.Az publika.az-a istinadən xəbər verir ki, Odessadakı son raket hücumlarından biri əvvəllər bir neçə elit klubda - "Çernomorets", " Metallurq", "Tavriya"nın baş məşqçisi, həmçinin Ukrayna millisinin baş məşqçisinin köməkçisi kimi çalışmış məşhur ukraynalı məşqçi Semyon Altmanın evinə ziyan vurub. Güclü partlayış dalğası onun mənzilinin bütün pəncərə çərçivələrini qoparıb, içəriyə ziyan vurub.

Mövcud məlumata görə, xoşbəxtlikdən ev sahibi xəsarət almayıb - o, partlayış zamanı evdə olmayıb.

Milli.Az
Xəbərlərimizi WhatsApp kanalımızdan da oxuyun