Dünya

Şolts bu raketin Ukraynaya verilməsini istəmir

27 Fevral 2024 08:20

Baxış: 688

VTB-də minimal faiz dərəcəsi ilə nağd kredit 9.9%-dən

#UKRAYNA #ALMANİYA

Almaniya kansleri Olaf Şolts ölkəsinin müharibəyə sürüklənə biləcəyindən ehtiyatlanaraq Ukraynaya "Taurus" uzaqmənzilli raketlərin verilməsinə qarşı çıxıb.

Milli.Az axar.az-a istinadən bildirir ki, bu barədə DPA agentliyi məlumat yayıb.

"Bəzi insanlar gördüyümüz işlərin müharibədə hər hansı formada iştiraka gətirib çıxaracağını düşünmürlər. Məni təəccübləndirir ki, hətta bəzilərini bu, narahat belə etmir. "Taurus"la bağlı debatlar Ukraynaya həqiqətən lazım olan şeylərdən fikirləri yayındırır. Ukraynada çatışmayan döyüş sursatlarıdır. Məhz bu ləvazimat ("Taurus" - red.) deyil", - deyə agentlik kanslerin sözlərindən sitat gətirib.

Qeyd edək ki, "Taurus" raketlərinin mənzili 500 km-dən çoxdur. Müqayisə üçün bildirək ki, Ukrayna sərhədindən Rusiya paytaxtına 450 km-dir.

"Taurus"un xüsusi üstünlüklərindən biri də olduqca aşağı hündürlükdə - 50 metrə qədər uça bilməsidir ki, bu da onun radarlar tərəfindən aşkarlanmasını mümkünsüz edir.

Milli.Az
Xəbərlərimizi WhatsApp kanalımızdan da oxuyun