Dünya

10 ildir kanalizasiya quyusunda yaşayırdı, xilas edildi

24 Fevral 2024 18:41
Baxış: 1 242
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiyanın Samara vilayətində 10 ildən artıqdır kanalizasiya quyusunda qalan şəxs xilas edilib.

Milli.Az lent.az-a istinadənxəbər verir ki, bu barədə bloqqer Anton Qletçerov məlumat yayıb. Onun sözlərinə görə, Tolyattidəki Lenin bulvarında 10 saylı evin yaxınlığında Aleksandr adlı şəxs tapılıb.

"Deyə bilərəm ki, xilas olunub çıxarılanda Aleksandr sərxoş deyildi. O, çox sağlam görünsə də, çox nəzakətlə, bircə dənə də olsun nalayiq söz demədən danışırdı" deyə bloqqer bildirib.

Kişi qışın soyuğunda quyu isti olduğu üçün orada yaşadığını bildirib. O, Qletçerova sığınacağa köçməyə hazır olduğunu bildirib və hətta iş tapacağına söz verib.

Məlumata görə, Aleksandrın həyat yoldaşı onu 15 il əvvəl tərk edib. Yaxınları onun öldüyünü düşünüblər. Bloqqer Aleksandrın hekayəsini dərc edəndə kişinin qohumları ona məktub yazıblar. Onların sözlərinə görə, Aleksandr Ulyanovsk vilayətindəndir və 52 yaşı var. Qeyd olunur ki, qohumları kişini özləri ilə yaşamağa aparıblar.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.