Dünya

TikTok-u 600 milyon dollar cərimələnə bilər

11 Fevral 2024 17:11
Baxış: 578
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avropa Komissiyası yaxın həftələrdə Çinin ByteDance şirkətinin TikTok sosial şəbəkəsi ilə bağlı araşdırmaya başlayacaq.

Milli.Az APA-ya istinadən bildirir ki, platforma Avropa Rəqəmsal Xidmətlər Aktını (DSA) pozan azyaşlı istifadəçilərin məlumatlarını kifayət qədər qorumamaqda şübhəli bilinir.

Agentliyin məlumatına görə, TikTok rəhbərliyi hələlik Avropa Komissiyasından bildiriş almayıb və Aİ səlahiyyətliləri ilə dialoqu davam etdirir. Əgər ByteDance DSA-nı pozmaqda təqsirli bilinərsə, şirkət cərimə ilə üzləşə bilər.

DSA 2022-ci ildə qüvvəyə minib. Bu sənəd böyük onlayn platformalardan və axtarış sistemlərindən qeyri-qanuni məzmun və ictimai təhlükəsizliyə qarşı risklərlə mübarizə səylərini gücləndirməyi tələb edir.

Sözü gedən sənədin məzmunun moderasiyası, istifadəçi məxfiliyi və əməliyyatların şəffaflığı üçün yeni qaydalar müəyyən edir. DSA-nı pozduğu aşkar edilən hər hansı şirkət qlobal dövriyyəsinin 6%-ə qədər cərimə ilə üzləşir.

2023-cü ildə TikTok platforması 10 milyard dollardan çox gəlir əldə edib. Beləliklə, mümkün bərpa məbləği 600 milyon dollara qədər ola bilər.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.