Dünya

ABŞ Ukraynanı “Patriot” raketlərinin mərmiləri ilə təmin edə bilməyəcək

6 Yanvar 2024 19:59

Baxış: 724

VTB-də minimal faiz dərəcəsi ilə nağd kredit 10.49%-dən

#DÜNYADA #UKRAYNA #ABŞ

ABŞ Ukraynanı "Patriot" raketlərinin mərmiləri ilə uzun müddət təmin edə bilməyəcək.

Milli.Az report.az-a istinadən xəbər verir ki, bu barədə ABŞ-dakı mənbələr bildirib.

Qeyd olunub ki, buna səbəb maliyyədir. Belə ki, bu sistemlər üçün kəsici mexanizmlərin qiyməti 2-4 milyon dollardır.

Ukrayna Silahlı Qüvvələrinin adı açıqlanmayan zabiti məsələyə münasibət bildirərkən söyləyib ki, bu, Kiyevə baha başa gələ bilər: "Xarici tərəfdaşlarımız bizdən üz döndərsələr, müharibənin başlanğıcına qayıdacağıq. İnsanlarımız sığınacaqlardan çıxa bilməyəcək, qarşı tərəf şəhərlərimizi xarabalığa çevirməyə davam edəcək".

Qeyd edək ki, daha əvvəl Ukrayna xarici işlər naziri Dmitro Kuleba demişdi ki, ölkəsi tək mübarizə aparmağa hazır olanda ABŞ yardımı azaldacaq.

Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna ötən ilin iyunundan əks-hücum əməliyyatları keçirir. Rəsmi Kiyevin mövqeyinə görə, Ukraynanın ərazi bütövlüyü tam təmin olunmadan müharibə başa çatmayacaq. Ukrayna Prezidenti Volodimir Zelenski daha əvvəl bildirmişdi ki, Qərb dəstəyi dayandırsa, ölkəsi geri çəkiləcək. Prezident əks-hücum əməliyyatının uğursuz olduğunu etiraf edib.

Milli.Az
Xəbərlərimizi WhatsApp kanalımızdan da oxuyun