Dünya

Rumıniyada qızılca epidemiyası elan edildi

6 Dekabr 2023 10:26

Baxış: 729

VTB-də minimal faiz dərəcəsi ilə nağd kredit 10.49%-dən

#DÜNYADA #MARAQLI #XƏSTƏLİK #QIZILCA XƏSTƏLİYİ

Şərqi Avropa ölkəsi olan Rumıniyada qızılca epidemiyası elan edilib.

Milli.Az oxu.az-a istinadən xəbər verir ki, bu barədə Rumıniyanın Səhiyyə Nazirliyi məlumat yayıb.

"Qızılcaya yoluxma hallarının sürətlə artımını, eləcə də xəstəxanalarda yoluxmuş uşaqların olmasını nəzərə alaraq, Rumıniyanın Səhiyyə Nazirliyi 9 yaşlı uşaqların peyvənd olunmasının mümkünlüyünü təmin etmək üçün milli qızılca epidemiyası elan edib", - Rumıniya Səhiyyə Nazirliyinin məlumatında qeyd olunub.

Məlumatda həmçinin qeyd olunur ki, hazırda Rumıniyada 41 əyalətdən 29-da 2 minə yaxın qızılcaya yoluxma faktı qeydə alınıb.
Rumıniya Səhiyyə Nazirliyi ölkədə uşaqların 78%-nin peyvəndin ilk dozasını, peyvənd olunmaq hüququ olan uşaqların 62%-nin isə iki doza qəbul etdiyini bildirib.

Nazirlik həmçinin diqqətə çatdırıb ki, 10 il ərzində Rumıniyada peyvənd olunan uşaqların sayında azalma müşahidə olunur.

Milli.Az
Xəbərlərimizi WhatsApp kanalımızdan da oxuyun