Dünya

Keçmiş səfir casus çıxdı

4 Dekabr 2023 08:02
Baxış: 1 223
VTB-də minimal faiz dərəcəsi ilə nağd kredit 9.9%-dən
#ABŞ

ABŞ-ın Boliviyadakı keçmiş səfiri Kuba hakimiyyətinə işləmək ittihamı ilə saxlanılıb
Federal Təhqiqatlar Bürosu ABŞ-ın Boliviyadakı keçmiş səfiri Manuel Roçanı Kuba hökumətinə gizli işləmək ittihamı ilə saxlayıb.

Milli.Az report-a istinadən xəbər verir ki, bu barədə Associated Press (AP) agentliyi mənbələrə istinadən məlumat yayıb.

Qeyd olunub ki, 73 yaşlı Manuel Roça FTB-nin uzun sürən əks-kəşfiyyat araşdırması nəticəsində Mayamidə saxlanılıb.

Nəşrin mənbələrindən biri deyib ki, Roça Kuba hökumətinin maraqlarını təbliğ etməkdə ittiham olunur. Bazar ertəsi məhkəmə iclasının keçiriləcəyi zaman əlavə məlumatın ortaya çıxacağı gözlənilir.

Roça Argentina, Kuba, Honduras, Dominikan Respublikası və Meksikada ABŞ-ın maraqlarını təmsil edərək 25 il diplomatik fəaliyyətlə məşğul olub. 2000-2002-ci illərdə Boliviyada səfir vəzifəsində çalışıb. O, həmçinin Ağ Evin Milli Təhlükəsizlik Şurasında Latın Amerikası üzrə ekspert vəzifəsində çalışıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.