Dünya

Mask: Bu, bəşəriyyətin mövcudluğu üçün təhlükədir

2 Noyabr 2023 10:47
Baxış: 833
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"SpaceX", "Tesla" və X sosial şəbəkəsinin sahibi İlon Mask süni intellekti bəşəriyyətin mövcudluğu üçün potensial təhlükə hesab edir.

Milli.Az report-a istinadən xəbər verir ki, o, bunu Böyük Britaniyanın süni intellektdən təhlükəsiz istifadəsi üzrə beynəlxalq sammitdə "PA Media" agentliyinə bildirib.

"İlk dəfədir ki, aramızda ən ağıllıdan daha ağıllı ola biləcək bir vəziyyətlə qarşılaşırıq. Biz digər canlılardan daha güclü və ya sürətli deyilik, lakin biz daha ağıllıyıq və indi tarixdə ilk dəfə bəşəriyyət üçün bizdən əhəmiyyətli dərəcədə daha ağıllı bir şey olacaq. Mən belə bir şeyə nəzarət edə biləcəyimizə əmin deyiləm, amma düşünürəm ki, biz bunu bəşəriyyət üçün faydalı olan istiqamətə yönəltməyə çalışa bilərik", - Mask deyib.

Süni intellekti bəşəriyyət üçün ən böyük təhlükələrdən biri adlandıran Mask sürətli inkişafda olan texnologiyanı həm dinc, həm də zorakı məqsədlər üçün istifadə olunan ikitərəfli qılınca bənzədib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.