Dünya

Meşədə üç metrlik piton tapıldı

26 Sentyabr 2023 12:08
Baxış: 2 131

Rusiyanın Moskva vilayətinin Novı Milet kəndi yaxınlığında yolun yaxınlığında piton aşkarlanıb.

Milli.Az oxu.az-a istinadən bildirir ki, nəhəng ilanı göbələk yığan ailə aşkarlayıb. Onlar işlərini görüb meşədən çıxarkən iri qutu tapıblar, içinə baxanda isə pitonu görüblər. Hadisə yerinə dərhal xilasedicilər çağırılıb.

"Mojoblpojspas" əməkdaşları ilanı ehtiyatla yanğınsöndürmə maşınına yükləyib, Balaşixa Baytarlıq Klinikasına aparıblar və orada mütəxəssislərə təhvil veriblər.

Məlum olub ki, üç metr uzunluğunda və 12 kq ağırlıqda olan piton qabıqdəyişmə dövründə olub.

"Boa Kaa" (cizgi filmin qəhrəmanı) qənaətbəxş vəziyyətdədir, qabıqdəyişmə mərhələsindədir", - deyə baytar bildirib.

Hazırda piton üçün xüsusi volyer hazırlanır.

Xilasedicilər bildiriblər ki, analoji hadisə 2016-cı ildə də baş verib. Həmin vaxt bir metrlik piton xilas edilib.

Milli.Az

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics