Dünya

Türkmənistan Hava Yolları Moskvaya uçuşların dayandırılmasının müddətini UZATDI

5 Avqust 2023 20:02

Baxış: 860

#TÜRKMƏNİSTAN

Türkmənistan Hava Yolları Aşqabaddan Moskvaya uçuşlara tətbiq etdiyi məhdudiyyətin müddətini oktyabrın 28-dək uzadıb.

Milli.Az bizim.media-ya istinadən bildriir ki, bu barədə müəssisənin mətbuat xidməti məlumat yayıb.

Məlumata görə, Türkmənistan Hava Yolları 2023-cü il avqustun 8-dən oktyabrın 28-dək Aşqabad-Moskva-Aşqabad marşrutu üzrə uçuşları dayandırıb. Rusiyaya uçuşlar Aşqabad-Kazan-Aşqabad marşrutu ilə həyata keçiriləcək.

Moskva-Aşqabad marşrutu üzrə aviabileti olan sərnişinlər biletdə göstərilən tarix və vaxta uyğun olaraq yola düşməzdən üç saat əvvəl Kazana getməlidir.

Qeyd edək ki, aviaşirkət Rusiya paytaxtının hava məkanında yaranmış vəziyyətlə əlaqədar hərəkəti riskli qiymətləndirib və uçuşları avqustun 1-dən 22-dək dayandırmışdı.

Milli.Az