10 saniyədə hamam plitələrinin arası tərtəmiz olur: Tək bir məhsul bəs edir

Hamam plitələrində zamanla yaranan çirk və kif görüntüsündən xilas olmaq üçün baha başa gələn təmizlik məhsullarına ehtiyac yoxdur. Mütəxəssislərin fikrincə, sadəcə sirkə istifadə etməklə plitələrin arasını uzun müddət təmiz saxlamaq mümkündür.

Milli.Az xəbər verir ki, hamam otağındakı yüksək rütubət və sabun qalıqları, xüsusilə plitələrin arasında zamanla tünd rəngli ləkələrin yaranmasına səbəb olur. Mütəxəssislər isə müntəzəm tətbiq olunacaq sadə bir üsulla kif yaranmasının qarşısını almağın mümkün olduğunu qeyd edirlər.

Təmizlik mütəxəssisi Con Klinin sözlərinə görə, duş qəbul etdikdən sonra yerinə yetirilən qısa bir prosedur plitə aralarının təmiz qalmasına kömək edir. Mütəxəssis duşu bağlamazdan dərhal əvvəl bərabər nisbətdə hazırlanan ağ sirkə və su qarışığının plitələrin arasına püskürtülməsini tövsiyə edir.

Sirkənin tərkibindəki sirkə turşusunun sabun qalıqlarını və yağlı təbəqəni əridərək səthdə yığılan çirkləri təmizlədiyi bildirilir. Bundan əlavə, müntəzəm istifadə sayəsində kif sporlarının turşulu mühitdə çoxalmasının çətinləşdiyi ifadə olunur.

Həftədə 2 dəfə tətbiq edin
Mütəxəssislər ağ sirkənin ağır kimyəvi qalıqlar qoymadığını və sərt təmizlik prosedurlarına olan ehtiyacı azaltdığını qeyd edirlər. Bu üsulun həftədə iki dəfə tətbiq edilməsinin kifayət olduğu bildirilir.

Plitələrin arasını qorumaq üçün təklif olunan bu üsulun cəmi 10 saniyə çəkdiyi vurğulanır. Duşdan sonra hazırlanan qarışığı sprey şüşəsi vasitəsilə plitə aralarına sıxmaq yetərlidir. Səthin daha sonra təbii şəkildə qurumağa buraxılması məsləhət görülür.

İnadkar ləkələr üçün fırçalama üsulu

Əgər plitələrin arasında artıq qara və ya tünd ləkələr yaranıbsa, yumşaq uclu bir fırça və ya köhnə diş fırçası ilə həmin nahiyələri yüngülcə sürtmək olar. Son mərhələdə səthi quru bir bezlə silmək isə kafellərin ağ rəngini qoruyub saxlamağa kömək edir.

Lalə Qüdrətova
Milli.Az