Maraqlı

Pəncərənizin önünə qoyun, ağcaqanadlar yaxın gəlməsin

4 İyun 2026 03:03
Baxış: 1 874
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Yay aylarında ağcaqanadların yaratdığı narahatlıqdan qurtulmaq üçün kimyəvi vasitələrə alternativ təbii üsullar tövsiyə olunur.

Milli.Az xəbər verir ki, mütəxəssislərin sözlərinə görə, bəzi aromatik bitkilər və təbii qoxular ağcaqanadların qoxu hissini pozaraq onları yaşayış məkanlarından uzaqlaşdırır.

Bildirilir ki, pəncərə və balkon yaxınlığında yerləşdirilən reyhan, nanə, rozmarin və lavanda kimi bitkilər ağcaqanadlara qarşı təbii qoruyucu rolunu oynaya bilər. Bu bitkilərin yaydığı güclü qoxuların həşəratları uzaqlaşdırdığı qeyd edilir.

Bundan başqa, praktik üsullardan biri kimi yarıya bölünmüş limonun içinə qurudulmuş mixəklərin yerləşdirilməsi göstərilir. Mixək və limonun yaratdığı kəskin qoxunun ağcaqanadları pəncərələrdən uzaq saxlamağa kömək etdiyi bildirilir.

Mütəxəssislər vurğulayırlar ki, bu üsullar bəzi hallarda faydalı olsa da, onların təsiri istifadə olunan mühitdən və şəraitdən asılı olaraq dəyişə bilər. Ağcaqanadlardan qorunmaq üçün torlu pəncərələrdən istifadə və durğun su mənbələrinin aradan qaldırılması da vacib tədbirlər hesab olunur.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.