Dünya

“Alibaba”nın yaradıcısı rekord həddə “kasıblaşıb”

13 İyul 2023 18:48
Baxış: 1 333
VTB-də minimal faiz dərəcəsi ilə nağd kredit 9.9%-dən
#ALİBABA.COM LTD #ÇİN

"Alibaba Group"un həmtəsisçisi, çinli milyarder Cek Ma ölkə hakimiyyəti ilə təxminən iki il davam edən münaqişə ucbatından şəxsi sərvətinin 30 milyard dollarını itirib.

Milli.Az oxu.az-a istinadən bildirir ki, Çinin mərkəzi bankının Ma-nın həmtəsisçisi olduğu texnoloji nəhəng "Ant Group"a 7,12 milyard yuan (cari məzənnə ilə 985 milyon dollar) cərimə tətbiq etməsindən sonra iş adamının sərvəti kəskin azalıb.

İyulun 12-nə olan məlumata görə, Ma-nın sərvəti təxminən 30 milyard dollar təşkil edir ki, bu da 2020-ci ilin oktyabrı ilə müqayisədə iki dəfə azdır.

Qeyd edək ki, milyarder 2020-ci ilin oktyabrında Çinin maliyyə tənzimləmə sistemini tənqid etdikdən sonra hədəfə alınıb və ölkəsini tərk etməyə məcbur qalıb.
Məlumata görə, Ma hazırda daimi olaraq Tokioda yaşayır. May ayında o, Tokio Universitetinin Kollecinə qonaq professor kimi daxil olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.