Dünya

Günəşdə ilk dəfə “düşən ulduzlar” görüldü

4 İyul 2023 23:16
Baxış: 1 584
VTB-də minimal faiz dərəcəsi ilə nağd kredit 9.9%-dən
#GÜNƏŞ TUTULMASI

Avropalı astronomlar Günəş atmosferində əvvəllər təsvir olunmayan bir hadisəni müşahidə ediblər.

Milli.Az oxu.az-a istinadən bildirir ki, bu barədə bazar ertəsi Britaniya Kral Astronomiya Cəmiyyətinin (RAS) Mətbuat Xidməti məlumat yayıb.

Tədqiqatçılar bunu Yer atmosferində meteoroidlərin yanması zamanı gördüyümüz ulduzlarla müqayisə edirlər. Günəşdə belə alovların görünüşü ulduzun səthinə plazma hissələrinin düşməsi - tac yağışı ilə əlaqələndirilir.

Yeni kəşf "Solar Orbiter" aparatının köməyilə mümkün olub. Elm adamlarının sözlərinə görə, cihaz tacın daxilindəki incə prosesləri, o cümlədən tac yağışının təsirini çəkmək üçün Günəşə kifayət qədər yaxındır.
Qeyd olunur ki, tac yağışının müşahidəsi Günəşin fizikasını araşdırmaq üçün böyük bir addımdır ki, bu da günəşin əsas sirlərini, məsələn, onun bir neçə milyon dərəcəyə qədər qızmasının detallarını öyrənməyə kömək edəcək.

Xatırladaq ki, Günəş atmosferinin xarici təbəqəsi olan tacın yüksək temperaturu hələ də ulduzun əsas sirlərindən biridir. Alimlər hələ də Günəşin səthindəki (fotosferdə) 5,8 min kelvin temperaturun onun tacında bir milyon və ya daha çox kelvinə qədər artmasına nəyin kömək etdiyi sualına cavab axtarırlar.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.