Dünya

Yaponiya hökumətindən vətəndaşlara: Hara istəyirsinizsə, rahat gedin

9 May 2023 18:24

Baxış: 806

#YAPONİYA #KORONAVİRUS

Yaponiya hökuməti koronavirus pandemiyası ilə əlaqədar ölkə vətəndaşları üçün xaricə səyahət xəbərdarlığını tamamilə ləğv edib.

Milli.Az oxu.az-a istinadən xəbər verir ki, qeyd olunur ki, Yaponiya ilk olaraq 2020-ci ilin yanvarında Çinə səyahət edənlər üçün birinci səviyyəli tövsiyələr təqdim edib. Bir müddət sonra dünyanın 159 ölkəsinə səyahət xəbərdarlığını ehtiva edən "Üçüncü səviyyəli tövsiyələr", 2022-ci ilin oktyabr ayından isə digər ölkələrə səfər edərkən "tam hazır olmağa" çağıran təlimatlar verilib.

Xatırladaq ki, mayın 5-də Ümumdünya Səhiyyə Təşkilatı (ÜST) COVID-19 üçün pandemiya statusunu ləğv edib. ÜST-nin baş direktoru Tedros Qebreyesusun sözlərinə görə, son bir il ərzində təşkilatın fövqəladə hallar komitəsi koronavirusun yayılmasına nəzarət edib və fövqəladə vəziyyətin ləğv edilə biləcəyi qənaətinə gəlib.

Koronavirus pandemiyası 1150 gün davam edib.

Milli.Az