Dünya

Metroda müsəlman qadına hücum: İrqi ayrı-seçkilik və ksenofobiya onların həyat tərzinə çevrilir

2 May 2023 11:01

Baxış: 2 596

VTB-də minimal faiz dərəcəsi ilə nağd kredit 9.9%-dən

#AVROPA

Avropada irqi-ayrı seçkilik, ksenofobiya halları sürətlə yayılmaqda davam edir. Daha çox Fransadan ilhamlanan radikal qüvvələr anti-islam, irqiayrıseçkilik hallarının sayını artırıblar. Bu dəfə bu qüvvələr Almaniyada fəallaşıblar. Almaniya qaçqın böhranından sui-istifadə edən və mühacir qorxusunu yaymağa çalışan ifrat sağçı qrupların və partiyaların təbliğatı ilə artan irqçi və anti-islam hadisələrinin şahidi olur.

Milli.Az xarici mediaya istinadən xəbər verir ki, hücumların hədəfi yenə müsəlman qadın olub. Bu dəfə metro stansiyasında hicablı müsəlman qadına irqçi hücum olub. Hadisə Almaniyanın paytaxtı Berlində başörtülü müsəlman qadınlar da daxil olmaqla əcnəbi görünüşlü insanları hədəf alan "ksenofobik" hücumlar silsiləsinin sonuncu hadisələrindən biridir. Berlin polisi 20 yaşlı müsəlman qadının Rathaus Neukolln metro stansiyasında kiminsə ona "şifahi və fiziki təzyiq göstərməsi, çadrasını çıxarmağa cəhd etməsi və saçını dartması" nəticəsində yüngül xəsarət aldığını təsdiqləyib.

Məlumata görə, şübhəli hadisə yerindən qaçmazdan əvvəl irqçi təhqirlər edib. Hücum edənin şəxsiyyətinin müəyyənləşdirilməsi istiqamətində araşdırma aparılır. Səlahiyyətlilər 2022-ci ildə ən azı 569 anti-islam cinayəti, o cümlədən şifahi və fiziki hücumlar, hədə məktubları və məscidləri hədəf alan yanğın hücumları qeydə alıb.

Azər
Milli.Az