Dünya

Rusiya ölüm hökmünü bərpa edir? - Kreml AÇIQLADI

6 Aprel 2023 19:48

Baxış: 918

VTB-də minimal faiz dərəcəsi ilə nağd kredit 10.49%-dən

#RUSİYA

Rusiya prezidentinin mətbuat katibi Dmitri Peskov bildirib ki, Kreml Rusiyada ölüm hökmünün qaytarılması məsələsini müzakirə etmir.

Milli.Az Rusiya mətbuatına istinadən bildirir ki, bundan əvvəl "Ədalətli Rusiya - Həqiqət naminə" partiyasının lideri Sergey Mironov ölüm hökmlərinin verilməsi və icrasının qaytarılması təşəbbüsü ilə çıxış edib.

"Kreml bunu ümumiyyətlə müzakirə etmir. Bu sual illər ərzində dəfələrlə qaldırılıb. Amma heç bir qərar verilməyib", - deyə Peskov press-konfrans zamanı bildirib.

Bu gün, aprelin 6-da məlum olub ki, Sergey Mironov Rusiya Federasiyası Konstitusiya Məhkəməsinin sədri Valeri Zorkinə ölüm cəzasına qoyulan moratoriumun ləğvi məsələsinə baxılması təklifi ilə məktub göndərib. Ədliyyə orqanı rəhbərinin bu təklifə reaksiyası hələ ki, bəlli deyil.

"Vaqner" özəl hərbi şirkətinin təsisçisi Yevgeni Priqojin də ölüm hökmünün Rusiyaya qaytarılmasını təklif edib. Onun fikrincə, "Trepova kimilər üçün" ölüm hökmünü qaytarmaq lazımdır. Söhbət Sankt-Peterburqda kafedə baş verən və hərbi müxbir Vladlen Tatarskinin öldüyü terror aktında ittiham olunan Darya Trepovadan gedir.

İrfan Vəliyev
Milli.Az