Dünya

TikTok “App Store” və “Play Store”dan silinə bilər

3 Fevral 2023 10:20
Baxış: 1 602
VTB-də minimal faiz dərəcəsi ilə nağd kredit 9.9%-dən
#SOSİAL ŞƏBƏKƏLƏR

"TikTok" bir müddətdir ABŞ-ın milli təhlükəsizliyinə təhdid yaratdığı əsası ilə müzakirə edilir.

Milli.Az Trend-ə istinadən bildirir ki, ABŞ senatoru Maykl Bennetə, "Apple" şirkətinin rəhbəri Tim Kuk və "Google" baş direktoru Sundar Piçaya ünvanladığı məktubda o, "Apple" və "Google"-dan "TikTok"-u tətbiq mağazalarından "dərhal" silməyi tələb edib. Müvafiq olaraq, "Tiktok" "App Store" və "Play Store"-dan qadağan edilə bilər. Şirkətin geniş istifadəçi bazası və aqressiv məlumat toplama siyasətinin ABŞ-ı bu qərara sövq etdiyi vurğulanır.

Ölkədə "TikTok"-u məhdudlaşdırmaq və qadağan etmək üçün əvvəllər də müraciətlər olub. Bununla belə, Senatın Kəşfiyyat Komitəsinin üzvü Bennet "TikTok"-un silinməsi ilə bağlı "Apple" və "Google" ilə birbaşa əlaqə saxlayan ilk ABŞ hüquq-mühafizə orqanı olub.

Bu yaxınlarda "TikTok" əməkdaşlarının istifadəçi məlumatlarına icazəsiz daxil olduğu və bu məlumatları sızdırdığı məlum olub. Hadisəni etiraf edən "TikTok"-un əsas şirkəti ByteDance, onun casusluq etdiyini anlayan dörd əməkdaşını işdən çıxardığını açıqlayıb.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.