Dünya

Məşhur futbolçu sanitar qovşağında qadını zorlayıb - Yeni dəlillər tapıldı

26 Yanvar 2023 09:30
Baxış: 731

39 yaşlı futbolçu Dani Alveşin ittiham olunduğu zorlama hadisəsində yeni təfərrüat üzə çıxıb.

Milli.Az oxu.az-a istinadən xəbər verir ki, məlumata görə, hadisədən az sonra zərərçəkmiş gözləri yaşlı tualetdən qaçaraq çıxıb. Bu, klub əməkdaşlarının diqqətini çəkib və onlar qadını sorğu-sual edərək polisə zəng ediblər.

Polis işçisi xanımın ilk ifadəsini kameraya yazıb. Onlar zərərçəkmişin sonradan verdiyi ifadələrlə üst-üstə düşür. Eyni zamanda zorlamada ittiham olunan futbolçu mütəmadi olaraq ifadəsini dəyişib.

Bundan əlavə, həkim-ekspert zərərçəkmişin bədənində zorakılıq izləri və toxum mayesinin qalıqlarını aşkar edib. Hadisənin baş verdiyi tualetdə isə qadının və başqa bir şəxsin izləri tapılıb. Hərçənd, indiyədək onlar Alveşin izləri ilə müqayisə olunmayıb, DNT müayinəsi aparılmayıb. Lakin toplanmış sübutlar artıq istintaqa çox inandırıcı görünür.

Məhkəmə oyunçunu zorlamada təqsirli bilsə, onu 4 ildən 12 ilə qədər həbs gözləyir. Hazırda Alveş həbsdədir, onun zaminə buraxılması barədə vəsatət rədd edilib.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics