Dünya

Qəhrəman ata qızlarını xilas edib, özü ayaqsız qaldı - VİDEO - FOTO

25 Yanvar 2023 19:40
Baxış: 1 151

ABŞ sakini Deyv Miln qızlarını qar təmizləyən maşının altında qalmaqdan xilas edərkən hər iki ayağını itirib.

Milli.Az big.az-a istinadən bildirir ki, bu barədə "People" yazır.

Belə ki, kişi həyat yoldaşı Kler, bir yaşlı qızı Anna və 3 yaşlı qızı Ayla ilə Kaliforniya ştatının Mammot-Leyks şəhərindəki dağ-xizək kurortuna yollanıb. Qızlarına xizək sürməyi öyrədərkən qarşılarına qar təmizləyən maşın çıxıb. Özünü uşaqların üzərinə ataraq qoruyn atanın ayaqları maşının altında qalıb.

Lakin atasının fədakarlığına baxmayaraq, Ayla da ağır xəsarətlər alıb. Hadisə yerinə gələn xilasedicilər yaralı uşağı dərhal xəstəxanaya yerləşdiriblər, lakin maşında ilişib qalan Deyv yalnız bir saat sonra oradan çıxarıla bilib.

Ağır xəsarətlərlə xəstəxanaya çatdırılan kişinin sol ayağı dizdən yuxarı, sağ ayağı isə dizdən aşağı amputasiya olunub.

Artıq 10-dan çox əməliyyat keçirən Deyvin növbəti əməliyyatları da gözlənilir.

Baş verənlərə baxmayaraq, ailə pozitiv olmağa çalışır. Əlil arabasıyla hərəkət edən Aylanın vəziyyəti düzəlməkdədir. Uşaq tədricən əvvəlki həyatına qayıdır.

Ailə dostu Tsen Boqanın sözlərinə görə, böyük güc və dözüm nümayiş etdirən Deyv iti ağlını və qara yumor hissini hələ də itirməyib.

Milli.Az

Məqaləyə dair fotomateriallar:

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics