Dünya

Pilot siqnal göndərdi: Təyyarədə bomba var!

22 Yanvar 2023 23:39

Baxış: 1 262

23:39

İrlandiyanın "Ryanair" aviaşirkətinin Afinada eniş edən təyyarəsində bomba olması ilə bağlı məlumatı yalan çıxıb.

Trend-in məlumatına görə, bu barədə Yunanıstanın "ERT-1" televiziya kanalı xəbər verib.

Məlumata əsasən, Katovitsedən uçan "Ryanair" şirkətinin "Boeing 738" təyyarəsi yerli vaxtla saat 17:40-da Afina Beynəlxalq Hava Limanına eniş edib.

Sərnişinlər və ekipaj üzvləri təxliyə edilib. Sərnişinlər və baqajda partlayıcı maddə olub-olmaması ilə əlaqədar yoxlanılıb, təyyarənin özü də yoxlanılıb. Heç bir partlayıcı və ya partlayıcı qurğu aşkar edilməyib.

-----------

21:29

Polşadan havaya qalxan İrlandiyanın "Ryanair" şirkətinin "Boinq 738" tipli təyyarəsinin pilotu göyərtədə bomba olması barədə xəbərdarlıq siqnalı göndərib. Təyyarə F-16 qırıcılarının müşayiəti ilə Afina Beynəlxalq Hava Limanına doğru uçub.

Milli.Az axar.az-a istinadən bildirir ki, ava limanı təyyarənin qəbulu üçün hazır vəziyyətə gətirilib. Təyyarə yerli vaxtla saat 17:45-də eniş edib və içərisində 192 nəfər olub.

Laynerdə axtarış aparılması üçün sərnişinlər təxliyyə edilirlər.

Milli.Az