Dünya

“The Guardian”: Tezliklə ən parlaq ulduzlar belə...

21 Yanvar 2023 15:09
Baxış: 811
VTB-də minimal faiz dərəcəsi ilə nağd kredit 9.9%-dən
#ASTRONOMİYA

"Səmada adi gözlə görünən ulduzların sayı sürətlə azalır. Səbəb isə kosmosda deyil".

Milli.Az oxu.az-a istinadən xəbər verir ki, bu barədə beynəlxalq alimlər qrupunun apardığı yeni araşdırmada bildirilib.

Araşdırma nəticəsində məlum olub ki, gecə səmasında adi gözlə görünən ulduzların sayı sürətlə azalır. Bu mənfi tendensiya davam edərsə, ən parlaq ulduzlar belə tezliklə görünməz olacaq.

Yeni araşdırmaya görə, buna səbəb güclü işıq çirklənməsidir. Alimlərin fikrincə, bu növ çirklənmə artmaqda davam edərsə, o zaman 18 ildən sonra Yerdən adi gözlə orta hesabla 250 parlaq ulduzu deyil, cəmi 100-nü görmək mümkün olacaq.

Almaniyanın Yerin Tədqiqi Mərkəzindən Kristofer Kibin sözlərinə görə, ən pisi odur ki, yaxın gələcəkdə, ümumiyyətlə, hər hansı ulduzu görmək çətin olacaq. Yəni ən parlaq ulduzlar belə bizim görmə sahəmizdən itəcək.

Bunun əsas səbəbi isə planetin atmosferinin həddindən artıq işıq çirklənməsidir. Bu cür çirklənmə xüsusilə dünyanın böyük şəhərlərində həddindən artıq çox süni işıq mənbələrinin olması nəticəsində yaranır. Yəni şəhərlərin işıqlandırılması işığın atmosferin aşağı təbəqələrinə səpələnməsinə və bununla da ulduzların görünməzliyinə səbəb olur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.