Dünya

SOS: Dünya əhalisinin 90 faizini haqlayacaq böyük təhlükə yaxınlaşır

11 Yanvar 2023 21:15

Baxış: 1 043

Dünya əhalisinin 90 faizi eyni vaxtda isti və quraqlıqla üzləşəcək.

Milli.Az xəbər verir ki, Oksford Universitetinin alimlərinin "Nature Sustainability" jurnalında dərc olunan araşdırmasında dünya əhalisinin 90 faizindən çoxunun eyni vaxtda həddən artıq isti və quraqlıqla üzləşəcəyi diqqətə çatdırılır.

Araşdırmada 21-ci əsrin sonuna qədər istilik və quraqlığın 10 dəfə artacağı ilə bağlı məlumat öz əksini tapıb.

Bildirilir ki, qarışıq quraqlıq-isti dalğası (CDHW) hadisələri insanın davamlı inkişafını ləngidən ən pis iqlim stressorlarından biri hesab olunur. Bununla belə, CDHW-nin altında yatan fiziki mexanizmlər və onların sosial mühitə təsiri hələ də tam qavranılmır.

Məlumata görə, rütubət çatışmazlığı və istilik yerüstü ekosistemlərin karbon sekvestrasiyasını və oksigen istehsalını təkbaşına hər iki faktordan daha böyük dərəcədə azaltmağa kömək edir.

Bununla yanaşı qeyd olunur ki, yoxsul insanlar tez-tez riskli ərazilərdə yaşadıqlarına və məhdud adaptasiya qabiliyyətinə malik olduqlarına görə, zəngin insanlardan daha çox təbii fəlakətlərə məruz qala bilərlər. (publika)

Milli.Az