Dünya

“Maqnitski siyahısı”nın müəllifi Uilyam Brauder indi də“Saakaşvilinin siyahısı”nı tərtib edir

9 Yanvar 2023 22:51

Baxış: 730

VTB-də minimal faiz dərəcəsi ilə nağd kredit 10.49%-dən

#GÜRCÜSTAN

Tanınmış beynəlxalq maliyyəçi və investor Uilyam (Bil) Brauder Gürcüstanın eks-prezidenti Mixail Saakaşvilinin məktubuna cavab verib. Saakaşvili məktubunda ondan həyatını qurtarmasını xahiş edibmiş.

Milli.Az musavat.com-a istinadən bildirir ki, bu barədə Saakaşvilinin vəkili - Şalva Xaçapuridze Tbilisi məhkəməsinin eks-prezidentin müalicə üçün müvəqqəti olaraq Avropa klinikasına göndərilməsi ilə bağlı keçirilən növbəti iclasında bildirib.

Xaçapuridze Mixail Saakaşvilinin Brauderə göndərdiyi məktubunda "həbsxanada Sergey Maqnitski ilə eyni üsullarla öldürüldüyündən" və hətta "daha incə və açıq şəkildə qətl olunmaq istənildiyindən" şikayətləndiyini söyləyib. Gürcüstanın keçmiş rəhbəri Brauderdən insan hüquqlarının müdafiəsi ilə məşğul olan yerli təşkilatlara, ölümcül nəticə gözləmədən yeni "Maqnitskinin siyahısı"nı tərtib etməsini istəyib.

Mixail Saakaşvilinin anası, professor Giuli Alasaniya jurnalistlərlə söhbətində Bill Brauderin "dərhal işə qarışdığını" və "ondan Saakaşvilinin zəhərlənməsi və işgəncələrinə görə məsuliyyət daşıyanların hamısının siyahısını göndərməsinii xahiş etdiyini" söyləyib. Brauder məsul şəxslərin siyahısını Qərb hökumətlərinə təhvil verəcəyini vəd edib.

Milli.Az