Dünya

İranda etiraz aksiyaları nəticəsində dəyən ziyan açıqlandı

4 Dekabr 2022 17:11
Baxış: 782

Hesablamalara əsasən, İranda 18 sentyabrdan etibarən keçirilən etiraz aksiyaları nəticəsində bir vilayət istisna olmaqla indiyədək 17 trilyon rial (təxminən 405 milyon dollar) dəyərində dövlət və özəl müəssisələrə, avtomobil, mənzillərə və sairə ziyan dəyib.

Milli.Az Trend-ə istinadən bildirir ki, bunu bazar günü İranın daxili işlər nazirinin müavini Məcid Mirəhmədi deyib.

M.Mirəhmədinin sözlərinə görə, bu arada mağazalar və satış iaşə obyektləri ya qarət olunub, ya da yandırılıb.

Mirəhmədi əlavə edib ki, istisna olunan vilayət Sistan və Bəluçestan vilayətidir. Bu vilayətin Zahidan şəhərində dəyən ziyan həddindən artıq çoxdur. Yaxın vaxtlarda bu şəhərə dəyən ziyan elan olunacaq.

Nazir müavini bildirib ki, sərhəd gömrüklərindən əldə edilən məlumatlara əsasən, son hadisələr ölkənin ticarət dövriyyəsinə də mənfi təsirlər göstərib. Ticarət dövriyyəsinin azalması ilə əlaqədar dövlət qurumlarında qiymətləndirmələr aparılır.

Qeyd edək ki, 16 sentyabrda Tehranda 22 yaşlı Məhsa Əmininin Tehranın əxlaq polisi əməkdaşları tərəfindən öldürülməsinə etiraz olaraq bir neçə gün sonra İranın bir neçə şəhərində aksiyalar keçirilməyə başlayıb. M.Əmini şəriət normalarına riayət olunmasına nəzarət edən əxlaq polisinin xüsusi dəstəsi tərəfindən saxlanılıb. Gənc qız İran qanunlarına əsasən hicaba düzgün riayət etməməkdə ittiham edilib.

Məhz bu hadisədən sonra İranda etiraz dalğası baş qaldırıb və etirazlar artıq müxtəlif sahələri, iqtisadiyyatı, sosial bərabərsizliyi, etnik bərabərsizliyi və s... əhatə edir.

Milli.Az 

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics