Dünya

İki yaşlı uşağın ölümündə günahkar olan ana həbs edildi

4 Noyabr 2022 20:44

Baxış: 636

VTB-də minimal faiz dərəcəsi ilə nağd kredit 10.49%-dən

#RUSİYA

Rusiya İstintaq Komitəsinin Moskva üzrə Baş İstintaq İdarəsi xəbər verir ki, məhkəmə iki yaşlı uşağının "ehtiyatsızlıqdan ölümündə" təqsirli bilinən moskvalıya bir il yarım azadlıqdan məhrumetmə cəzası verib.

"İlkin istintaq zamanı təqsirləndirilən şəxsi törətdiyi cinayəti tam ifşa edən kifayət qədər dəlil-sübut bazası toplanıb", - deyə hökmlə bağlı məlumatda bildirilib.

Milli.Az bildirir ki, 2021-ci il iyunun 3-də Moskvanın Marşal Zaxarov küçəsindəki evin yaxınlığında hündürlükdən yıxılma xarakterik xəsarətləri olan 2019-cu il təvəllüdlü uşağın meyiti tapılıb. Məhkəmədə təsdiqlənən ittiham tərəfinin dediyinə görə, anası qapını bağladıqdan sonra uşağı balkonda açıq pəncərənin yanında yatmış vəziyyətdə qoyub. Qadın sərxoş olub. Nəticədə ona qarşı Rusiya Federasiyası Cinayət Məcəlləsinin 109-cu maddəsinin 1-ci hissəsi ilə ("Ehtiyatsızlıqdan ölümə səbəb olma") ittiham irəli sürülüb.

İrfan Vəliyev
Milli.Az