Dünya

Vaşinqtonla Kabul anlaşdı

9 Aprel 2012 19:54
0 Şərh     Baxış: 1 078
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AFGHANİSTAN
Əfqanıstan hökuməti və Birləşmiş Ştatlar arasında gecə reydlərinin keçirilməsinə dair anlaşma memorandumu imzalanıb.

Milli.Az "Amerikanın səsi"nə istinadən bildirir ki, iki ölkə arasında əldə edilmiş sənədə Əfqanıstanın Daxili İşlər naziri Əbdül Rəhim Vardak və ABŞ-ın Əfqanıstandakı qüvvələrinin komandanı general Con Allen bu gün Kabildə imza atıb.

Sənədə əsasən, gecə reydlərinin bundan sonra Əfqanıstan qüvvələrinin başçılığı ilə keçirilməsi və yerli rəsmilərin onlara veto qoymaq səlahiyyətinin verilməsi nəzərdə tutulur.

Əfqanıstan rəsmiləri bildirir ki, bundan sonra gecə əməliyyatları zamanı xarici ölkələrin silahlı qüvvələri yardım missiyasını yerinə yetirəcək. Bununla yanaşı gecə reydlərinin keçirilməsi üçün yerli rəsmilərdən icazə alınacaq.

General Allenin açıqladığı bəyanatda deyilir ki, razılıq suveren Əfqanıstanın inkişafı və ABŞ və Əfqanıstan arasında uzunmüddətli strateji tərəfdaşlıq münasibətlərinin rəsmiləşdirilməsi istiqamətində birgə səylərin davam etdirilməsində mühüm bir addım hesab edilir.

Razılıq ABŞ silahlı qüvvələrinin 2014-cü ildə müəyyən edildiyi kimi Əfqanıstandan çıxarılmasından sonra iki ölkə arasında əlaqələrin idarə edilməsinə kömək edəcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.