Dünya

Zelenskidən Kulebaya TAPŞIRIQ: İranın bu addımına görə...

23 Sentyabr 2022 23:34
Baxış: 1 982
VTB-də minimal faiz dərəcəsi ilə nağd kredit 9.9%-dən
#UKRAYNA

İranın Rusiyaya silah yardımı etməsi ilə bağlı kəşfiyyat və müxtəlif mətbuatda yayılan xəbərlər təsdiqlənib. Prezident Vladimir Zelenski Ukrayna Xarici İşlər Nazirliyinə buna cavab verməyi tapşırıb.

Bu barədə Milli.Az Ukrayna prezidentinin mətbuat katibi Serhi Nikiforova istinadla xəbər verir.

"Ukrayna prezidenti Xarici İşlər Nazirliyinə Rusiya qoşunlarının İran istehsalı olan silahlardan istifadə etməsi faktlarına cavab verməyi tapşırıb. Təəssüf ki, kəşfiyyat məlumatları və KİV-in xəbərləri nəhayət döyüş meydanında təsdiqləndi", - Nikiforov yazır.

Prezidentin mətbuat katibinin sözlərinə görə, İranın Rusiyaya silah yardımı etməsi Tehranın Ukraynanın suverenliyi və ərazi bütövlüyünə, eləcə də vətəndaşlarımızın həyatına qarşı atdığı addımdır.

"Xatırlatmaq istərdim ki, İran rəhbərliyi dəfələrlə öz bitərəfliyini və Rusiyanın Ukraynaya qarşı təcavüzünün dayandırılmasında vasitəçilik etməyə hazır olduğunu bəyan edib", - sözçü qeyd edib.

Xatırladaq ki, sentyabrın 13-də Ukrayna əsgərləri ilk dəfə İrana məxsus pilotsuz təyyarəni vurması barədə məlumat yayıb. Eyni zamanda Xarkov vilayətinin Kupyansk şəhəri yaxınlığında düşmən PUA-sı endirilib.

Hələ iyul ayında ABŞ xəbərdarlıq etmişdi ki, Rusiya İrandan Ukraynaya qarşı müharibədə istifadə etmək üçün ona yüz döyüş pilotsuz uçan aparat verməsini xahiş edib. Hətta sonradan məlum olub ki , Rusiya nümayəndələri PUA-ları yoxlamaq üçün artıq iki dəfə İrana gediblər.

Ukraynanın 92-ci motoatıcı diviziyasının artilleriya komandiri, polkovnik Rodion Kulaqinin sözlərinə görə, ruslar Ukrayna texnikasını məhv etməyə cəhd etmək üçün İran pilotsuz uçan aparatlarından fəal şəkildə istifadə etməyə başlayıblar. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.