Dünya

Pakistan ərazisinin üçdə birindən çoxu su altındadır

3 Sentyabr 2022 08:28

Baxış: 589

VTB-də minimal faiz dərəcəsi ilə nağd kredit 10.49%-dən

#DÜNYADA

Avropa Kosmik Agentliyinin peyk görüntülərinə görə Pakistan ərazisinin üçdə birindən çoxu daşqınlar səbəbindən su altında qalıb.

Milli.Az "Report"a istinadən bildirir ki, artıq qida çatışmazlığı yaranıb. Daşqınlar milyonlarla hektar əkin sahəsini və yüz minlərlə mal-qaranı məhv edib. Humanitar təşkilatlar yoluxucu xəstəliklərin artacağı ilə bağlı xəbərdarlıq edib.

Pakistanda yağışlar nəticəsində ölənlərin sayı 1 200 nəfəri keçib.Milli Fəlakətlərlə Mübarizə Agentliyinin məlumatına görə, ölkədə təbii fəlakət nəticəsində ölənlərin sayı 1 208 nəfər təşkil edir.

Həyatını itirənlərdən 244-ü qadın, 416-sı uşaqdır. Yaralananların sayı isə 6 min 82 nəfərdir.

Ümumilikdə ölkə üzrə 5 063 kilometr yol zədələnib, 243 körpü və 173 mağaza dağılıb. Daşqınlar nəticəsində bir milyon 172 549 evə ziyan dəyib.

Ölkədə 33 milyon 46 min insan sel fəlakətindən zərər çəkib, ümumilikdə 733 488 kənd təsərrüfatı heyvanı tələf olub.

Milli.Az