Dünya

Rusiyada xarici pasport alanların sayı 2 dəfə artıb

11 Avqust 2022 21:38
0 Şərh     Baxış: 442

2022-ci ilin birinci yarısında rusiyalılar 2021-ci ilin eyni dövrü ilə müqayisədə, demək olar, 2 dəfə daha çox xarici pasport alıblar. Sənədləşmənin pik həddi martda olub.

Milli.Az "Report"a istinadən bildirir ki, yanvar-iyun aylarında Rusiyada təxminən 2,5 milyon xarici pasport verilib.

Bu da rusiyalıların 1,7 milyon xarici pasport aldığı 2021-ci ilin eyni dövrü ilə müqayisədə 45 % çoxdur.

Ümumilikdə, ilin birinci yarısında Daxili İşlər Nazirliyi 5,9 milyondan bir qədər çox pasport verib ki, bunun da 2,5 milyonu xarici, 3,4 milyonu isə daxili pasportdur.

Aylar baxımından beynəlxalq pasportların alınmasının pik nöqtəsi mart ayına düşüb: o zaman 553 min nəfər sənəd alıb. Yanvar və fevral ayları üçün göstəricilər daha aşağıdır - müvafiq olaraq 238 min və 406 min. Mart ayında xarici pasportların alınmasında altı ayda ən güclü artım müşahidə olunub: onlar fevralla müqayisədə 36 % çox verilib. Aprel və may aylarında isə verilən sənədlərin sayı azalıb, iyunda bu, 446 min xarici pasporta yüksəlib, lakin aprel göstəricisini (470 minə yaxın) ötməyib.

Yanvar-iyun aylarında verilən xarici pasportların sayı son üç ilin ən böyük göstəricisidir və 2021, 2020 və pandemiyadan əvvəlki 2019-cu ilin eyni dövründə verilmiş pasportların sayını üstələyir. 2021 və 2020-ci illərdəki saya COVID-19 pandemiyası təsir etdiyindən həmin dövrlərlə müqayisə əhəmiyyətli deyil.

2019-cu ilin yanvar-iyun aylarında rusiyalılar 2,3 milyon xarici pasport alıb ki, bu da bu illə müqayisədə təxminən 200 min sənəd azdır. Ümumilikdə, 2022-ci ilin rəqəmləri 2018-ci və 2017-ci illərin statistik göstəriciləri ilə müqayisə olunandır: o zaman Daxili İşlər Nazirliyi müvafiq olaraq 2,6 milyon və 2 milyon xarici pasport verib. 2016-cı ilin ilk altı ayında əhəmiyyətli dərəcədə az sənəd verilib - demək olar ki, 1,2 milyon sənəd.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics