Dünya

TikTok-dakı "gizli" məkanı axtaran qadın faciəvi şəkildə öldü

2 Avqust 2022 16:04
0 Şərh     Baxış: 770

TikTok-un "gizli" məkanını axtarmaq üçün dağ gəzintisinə çıxan britaniyalı turist qadın qayadan yıxılaraq ölüb.

Milli.Az bildirir ki, bu barədə The New York Post yazır.

Faciə 2021-ci ilin dekabrında baş verib, lakin bu, yalnız indi, turistin ölümü ilə bağlı araşdırmalar başa çatdıqdan sonra məlum olub. 47 yaşlı Viktoriya Naomi Lak müəllim sevgilisi Metyu Radnor və iti ilə birlikdə Llanberis keçidi yaxınlığındakı su hövzəsini ziyarət etmək üçün Uelsdəki Snoudoniya Milli Parkına gedib. Qeyd olunur ki, cütlük bu yer haqqında TikTok-dan öyrənib - gözəl foto və videolar sayəsində məkan sosial şəbəkələrdə tez bir zamanda məşhurlaşıb.

Radnorun dediyi kimi, onlar xəritələr və telefonlarında naviqasiya olmadan gəzintiyə çıxdıqları üçün Crib Goh dağ silsiləsində itiblər. Uzaq ərazidən çıxmaq və bir yol tapmaq üçün cütlük ayrılmaq qərarına gəlib - Lak enməyə başlayıb və ortağı daha asan bir yol ilə itlə gedib. Kişi sevgilisinin fəryadını eşidəndə nəyinsə baş verdiyini anlayıb: britaniyalı hadisə barədə dərhal təcili yardım xidmətinə məlumat verməyə çalışsa da, telefonu sönüb.

Daha sonra hadisə yerinə xilasedici helikopter gəlib. Lak tapılaraq gəmiyə qaldırılıb, lakin qadın hündürlükdən yıxılaraq aldığı xəsarətlərdən dünyasını dəyişib.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics