Dünya

Şimali Koreyadan ABŞ-yə ittiham

3 İyul 2022 10:45
0 Şərh     Baxış: 727
VTB-də minimal faiz dərəcəsi ilə nağd kredit 9.9%-dən
#ABŞ

Koreya Xalq Demokratik Respublikasının Xarici İşlər Nazirliyi NATO-nun yeni strateji konsepsiyasını tənqid edib. Şimali Koreya Vaşinqtonu Avropa və Asiya-Sakit okean regionunda nüvə müharibəsi təhlükəsi yaratmaqda ittiham edib. Bundan əlavə, KXDR hesab edir ki, ABŞ Avropanı hərbiləşdirir və Asiya-Sakit okean regionunu NATO regionuna çevirmək istəyir.

Milli.Az report-a istinadən xəbər verir ki, bu barədə Şimali Koreyanın KCNA agentliyi məlumat yayıb.

"NATO-nun bu sammitindən aydın oldu ki, ABŞ Avropanı hərbiləşdirərək Asiya-Sakit okean regionunu NATO regionuna çevirməklə Rusiya və Çini eyni vaxtda cilovlamağa və mühasirəyə almağa çalışır və ABŞ-Yaponiya-Cənubi Koreya üçtərəfli hərbi ittifaqını planların həyata keçirilməsi üçün mühüm vasitə hesab edir", - XİN sözçüsü bildirib.

Nazirlik hesab edir ki, "ABŞ və onun peyklərinin düşüncəsiz hərbi intriqaları" Avropa və Asiya-Sakit Okean regionunda eyni vaxtda nüvə müharibəsinin başlanması ilə nəticələnə biləcək vəziyyətə gətirib çıxarıb.

Qeyd edək ki, ABŞ-ın Asiya müttəfiqləri Madriddə keçirilən NATO sammitində ilk dəfə iştirak ediblər. Onlar Şimali Atlantika Alyansı ilə əlaqələri gücləndirərək Şimali Koreyanın Hind-Sakit Okean regionunda çəkindirmə mexanizmlərini gücləndirməyə çalışırlar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.