Dünya

Nikolayevə raket zərbələri endirilib: ölən və yaralılar var

17 İyun 2022 12:00

0 Şərh Baxış: 649

#RUSİYA-UKRAYNA MÜHARİBƏSİ

Ruslar Nikolayevə raket zərbələri endirdi.

Milli.Az bildirir ki, bu barədə Nikolayev şəhərinin meri Aleksandr Senkeviç öz Telegram səhifəsində məlumat verib.

"Bu gün səhər ruslar yenidən Nikolayevə raket zərbələri endirib. Yaşayış binalarına ziyan dəyib. Hadisə yerində xilasedicilər, həkimlər və kommunal xidmətlər işləyir. Atışmanın fəsadları barədə daha sonra sizə məlumat verəcəyəm", - o deyib.

Nikolayev administrasiyasının rəhbəri Vitali Kim bildirib ki, Nikolayevdə 4 çoxmərtəbəli yaşayış binası və bir infrastruktur obyekti raket zərbəsindən zərər çəkib.

"Hazırda 1 nəfər ölüb, 6 nəfər yaralanıb (onlardan biri uşaqdır). Hazırda xilasetmə işləri aparılır", - o bildirib.

Aslan Məmmədov
Milli.Az