Dünya

Çexiyada qocalar evində güclü yanğın olub, 54 nəfər xəsarət alıb

2 İyun 2022 08:24

0 Şərh Baxış: 366

VTB-də minimal faiz dərəcəsi ilə nağd kredit 10.49%-dən

#DÜNYADA

Çexiyada qocalar evində güclü yanğın olub.

Milli.Az "Report"a istinadən bildirir ki, hadisə paytaxt Praqanın Roztoki rayonunda alsqeymer xəstələrinin yerləşdirildiyi qocalar evində naməlum səbəbdən baş verib. Yanğın zamanı binadakı 56 xəstədən 54-ü xəsarət alıb.

Yaralılardan 2-nin səhhətinin ağır olduğu bildirilir. Qocalar evinin damından başlayan yanğın bütün binanı yararsız hala salıb.

"Axşam aldığımız xəbərdən sonra hadisə yerinə gəldik. Saat 20:30-da yanğınsöndürmə briqadası gələnə qədər 56 xəstəni binadan təxliyə etdik. Ümumilikdə 54 nəfər yaralanıb. İki nəfərin vəziyyəti ağır, bir nəfərin vəziyyəti orta-ağırdır. Yaşlılar təcili yardım maşınları ilə ətrafdakı xəstəxanalara çatdırılıb", - Praqanın Fövqəladə Hallar Xidmətinin sözçüsü Monika Novakova deyib.

Praqa Yanğınsöndürmə briqadasının sözçüsü Tereza Sikora Flieqerova isə bildirib ki, xəstələrin təxliyyəsi tamamlanıb, bina istifadəyə yararsızdır.

Milli.Az