Dünya

Lisiçansk və Severodonetskə hücum: 13 ölü - FOTO

20 May 2022 11:36
0 Şərh     Baxış: 822
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rus əsgərlərinin əməlləri nəticəsində Luqansk vilayətində bir gündə 13 nəfər həlak olub.

Milli.Az bildirir ki, bu barədə Luqansk Regional Hərbi Administrasiyasının rəhbəri Sergey Qayday öz Telegram səhifəsində məlumat verib.

"Ruslar Lisiçansk və Severodonetskə doğru irəliləyir, 12 nəfər vilayət mərkəzində ölüb, Luqansk vilayətində 60-dan çox dağıdılmış ev... Severodonetskdə 12, Qorskaya icmasında isə daha bir ölü var",- o deyib.

Qaydayın sözlərinə görə, atəş nəticəsində bütün küçələr yanıb.

"Evlər dağıdılır və yandırılır. Bəzi yerlərdə, bütün küçələrdə, burada Nirkovoda olduğu kimi, ard-arda beş yaşayış massivi var. Zolotoyedə altı, Vrubovkada üç, Rubejnoyedə daha üç. Döyüşlərin davam etdiyi Toşkovkada ziyanın miqdarını hesablamaq olmur", - Administrasiyasının sədri yazıb.

Eyni zamanda o bildirib ki, rus qoşunlar Severodonetski ala bilməyib, şəxsi heyətdə itki verib və geri çəkilib.

"Lakin şəhər sakinləri hücumun nəticələrini hiss ediblər: ölən və yaralananlar var, ən azı beş hündürmərtəbəli bina dağıdılıb", - Qayday əlavə edib.

Onun sözlərinə görə, Lisiçanskda və Severodonetsk yaxınlığında yerləşən şəhərlərdə vəziyyət bundan yaxşı deyil.

"Beləliklə, Lisiçanskda 12, Novodrujeskdə 14, Privolyedə 17 ev mərmi atəşi nəticəsində zərər görüb", - məlumatda deyilir.

Aslan Məmmədov
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.